امي..................

فديت عيونها امي وفديـت تـراب رجليهـا
هي حبٍ جاري بدمي وهي للقلـب نبضاتـه
ومهما قلـت بشعـاري فـلا والله اوفيهـا
هي نبعٍ صافيٍ للطيب وهي للخيـر بذراتـه
بذاك الطيب تحظني لا جـت اقبـل ايديهـا
وتوادعني بنفس الطيب بذكـر الله وآياتـه
توصي يا بدر لا تغيب وتخفي دمع عينيهـا
واجاوبها ابشري يمه يا عزوة بدر ومناتـه
حلفت بربي المعبـود ابـد والله مـا خليهـا
تعيش الهم وانا موجود وهي لناصر وصاتـه
سلام الله على امي وجنـه تحـت رجليهـا
وسلام الله على صدرٍ سقاني خالـص لباتـه
يا يمه فعولك البيضا سمعت النـاس تحكيهـا
وحتى سهيل فـي نـوه يسولفهـا لجاراتـه
يا امي يا وطن عمري وقصيده دوم اغنيهـا
ولو انه سلاك القلب تراهـا ساعـة وفاتـه
رضاك انتي انا عني فخر نفسـي وامانيهـا
وربي فيك اوصاني ورضاك انتي هو مرضاته
يا رب الكون انا طالبـك تشفيهـا وتخليهـا
وتنسيها شقا هالوقـت وتلحقهـا مسراتـه
يا امي فيك كلماتـي خجـل تاقـف معانيهـا
وبوصفك يا بعد راسي يحير الشعـر ببياتـه
نصيحـه بآخـر ابياتـي اقدمهـا لقاريهـا
ترى الدنيا بحر هايج وامك طـوق منجاتـه
وصلاة الله على الهـادي ارددهـا واثنيهـا
فقد امه وتوه صغير وعاش اليتم فـي ذاتـه